" EZ Û WELAT "

-birî bijang gîhane hev
jê hilnakim naqetînim
-ew çavêd reş çavêd belek
tu kilê lê nareşînim
-rûyê li hev pozê xelek
Ji xizêman dixemlînim
-bisk û kezî bûne solav
Lê sedikim di meyzînim
********
-guhên çeleng por daye ber
Zîv û zêran pê dixînim
-herdo lêvan sor vedane
tu renga li ser danînim
-qirka zirav bi gerdena
bi morikan dineqşînim
-ji destên te derbastir bê
bi bazina naxemlînm 
********
-piştî tulyên hinekirî
tu gustîlan tê naxînim
-kesk û sor û zer û sipî
bejna te pê dixemlînim
-heger ji te der bastir bê
tu welatan ez nastînim
-nema hêdî têm xopandin
rast dimeşim dûr dibînim
********
-sîga te Axa cinetê
şehîdan lê dicivînim
-tim ji bo te can fêdame
Xûna sor ez dirijînim
-her dem ez te diparêzim
destên qirêj dûr dixînim
piştî xem û Êş û derdan
Ken li rûyê te diçînim
*********
Ber Avî
istenbol...20/2/2014
Pêncşem