|
|
Mixabin, di nêrîna min de,
malperek kurdî ku dilê mirov hênik bike, tu bêje ew hêjayî
serdanê ye tune ye. Berê vê min rexneyek bi rêya Twîtera xwe
@zinarala ji du malperan re şand, lê ew guh nadin rexneyan.
Min derbarê nivîsên nezelal di medya kurdî de hişyarî da
wan!
Sernivîsên nûçeyên wan wisa bûn:
@sputnik_krd: Balafira ambulans
ket: 5 mirî
@RudawKurdi: Bombeya PKKê teqiya:
4 kuştî û 4 birîndar!
Lê ew hîn bi vî awayî diweşînin,
wisa jî xwendevanan ji xwe direvînin. Mixabin nebûna
malperek kurdî xwedî dîzaynekî baş û ku bizanibe nûçeyan
çêbike dihêle ku kurd bi zimanên din nûçeyan bixwînin.
Li aliyekî din karê Ajans Hawar News jî qels e, mixabin
digel keda kedkarên malperê lê ew bi awakî pispor kar nakin.
Lê spas ji nûçeyên vê malperê re ez hinekî agahiyan derbarê
rewşa Rojava werdigrin. Her ku serdana malperê bikim jî ezê
hinekî bibasim ji ber şêweya weşana nûçeyekê an jî ji ber
navaroka wê, gelek car ji ber karên Rêvebiriya Xweser li
Rojava, di hemû waran de şaşî çêdibin, mixabin ji bo karê
serraskirin û başkirina karên rêvebiriyê xemsarî heye û
xebateke cidî nayê kirin.
Ev bûn gelek car ez bal dikşînim ser şaşiyên nivîsandina bi
kurdî, her wisa li ser nivîsandina pankartan gelek car tîpên
erebî ji tîpên kurdî meizintir in, ji bo çi? ma ne divê
çavên xelkê bêtir li hevokên bi zimanê kurdî kevin ta ku
tîpên zimanê dayîkê baştir bibînin û fêr bibin.
Ev bûn zêdeyî 5 sal zimanê kurdî li Rojava tê fêrkirin,
peymangeh jî gelek mamosteyên kurdî amadekirin, ji bo çi
heya îro şaşî di nivîsandina pankartan li xwepêşandan û
bîroyan..hwd çêdibin.
Bala xwe bidin wêneyên van du nûçeyan teze ji Kobanê û
Qamişlo, hûnê nas bikim ji ber çi ev nalîn.
Nûçe 1:
http://ku.hawarnews.com/jin-bi-riya-koperatifan-aboriya-xwe-pes-dixin/
Nûçe 2:
http://ku.hawarnews.com/ji-zewaca-temene-bicuk-re-na
|
|
.png){kind=small}
