|
|
 |
|
 |
|
|
Gotaraa
sekretêrê partiya yekîtî ya demokrat a kurd li Sûriyê Mihyedîn
Şêx Allî di merasîmên veşartina xebatkarê kurd ê navdar mamoste
Reşîd hemo de :
Xwîşkino,
birano….
Nûnerên rêxistin û partiyên
kurd û ereb….
Beşdarên hêja ….
Rêz û hurmet ji we hemiyan re , ku we xwe gihandiye gundê Hopka
– herêma kurdaxê , da ku xatir ji mamoste Reşîd Hemo bixwazin,
bila hûn xweşbin .
Li seranserî qeza
Efrînê , bi her heft nehiye û çar sed gundên xwe ve , Reşîd Hemo
dihate naskirin….ji ber ku , di dema ku dibistan nebûn , rê û
kehrebe nebû, bi sedan xort û zaro li ber destên wî fêrî xwendin
û nivîsandinê bûbûn . Lewre jî, her û her ciyê qedir û qîmetê
bû; Ronakbîr, rewşenbîr, dilsoz û berketiyê milletê xwe bû, li
dirêjahiya bêtirî 70 salî têr xwendin nedibû , tim û tim heyran
û evîndarê zanîn û pirtûkan bû , û ji zimanê xwe yê dê pir
hezdikir .
Reşîd Hemo ne yê rêxistin û
partiyekê bû , ew dost û dilxwazê hemiyan bû , hevalê
lihevkirina tevgera kurd û xebata bi hev re bû . Ji roja roj de
, di wê baweriyê de bû ku, kurd û Ereb ne dijiminê hevin, û ku
Sûriyê bi xêr be, emê bi xêr bin .
Li
Helebê, Hezêrana 1957-an , di wê civata dîrokî de , ya ku , li
mala Mihemed elî xoce , bona damezrandin û aşkerekirina yekemîn
partiyeke kurd li Sûriyê , hatibû lidarxistin, mamoste Reşîd
Hemo xwedî roleke sereke bû . Ji ber ku hê ji berî hîngê , ew
digel camêrên weke Cemîl kinnê , Osman efendî , Nûrî dêrsimî û
Osman sebrî têkildar bû , ji bilî têkiliyên rehmetî bi parta
komonîst û komela Aştîxwazan re (أنصار السلم) .
Reşîd hemo , ne tenê li kurdax û parêzgeha Helebê , lê belê , li
seranserî herêma Kobaniyê , Qamişlo , gund û bajarokên Cizîrê
xebitîbû , û li ser riya xebatê gelek êş û dijwarî , geh li
hepis û zîndanan , geh li çol û çiyan , her tim cefakêş , xwedî
nêrîn û rol bû . Reşîd Hemo Jiyana xwe ser û ber terxî milletê
xwe kiribû , lê her tim dilgerm û xwedî hêviyên giranbuha bû .
Mamoste Reşîd Hemo , weke siyasetvanekî mezin , kurdhez ,
mirovhez û welatparêzekî navdar ciyê xwe di dîrokê de digre .
Careke dî, bi navê parta yekîtî ya demokrat a kurd li Sûriyê ,
em serê we hemiyan sax dikin .
Bila
heval , hogir û dostên mamoste Reşîd Hemo sax bin .
Keç û law û mervên rehmetî xweş bin .
Supas ji guhdariya we re .
Gundê Hopka –
nehiya Reco 19 Berçile 2010 an
====================
|
|
 |
|
 |
|
.png){kind=small}
.png){kind=small}
.png){kind=small}
